ഫലസ്തീന്‍, ഇറാഖ്‌, ലെബനാന്‍... യഹൂദികള്‍ നട്ടെല്ലൊടിച്ച്‌, നിലം പരിശാക്കിക്കൊണ്ടിരിക്കുന്നമുസ്‌ലിം ദേശങ്ങള്‍ ഏറിവരികയാണ്‌. മധ്യപൌരസ്ത്യദേശത്തെ ഏതു മുസ്ലിം രാജ്യത്തിന്‍റെ മേല്‍ ഏതു നിമിഷത്തിലാണ് യഹൂദരുടെ ആക്രമണമുണ്ടാകുക എന്ന്‌ പറയാന്‍ സാധ്യമല്ല. ചകിതരായി, നിസ്സഹായാവസ്ഥയില്‍ കഴിയുന്ന മുസ്ലിം ലോകത്തിന്ന്‌ വിശ്വാസദാര്‍ഢ്യമോ, പ്രതിരോധശക്തിയോ സാങ്കേതിക വിദ്യയോ ഇല്ലാത്തതാണ്‌ ഇതിന്‌ കാരണമെന്ന്‌ അവരോട്‌ സഹതാപമുള്ളവരെല്ലാംഒരുപോലെ അഭിപ്രായപ്പെടുന്നു. ഇതെല്ലാം എത്രയും വേഗം മുസ്‌ലിംകള്‍ നേടിയെടുക്കണമെന്നാണ്‌ നാംആഗ്രഹിക്കുന്നത്‌. എന്നാല്‍ മൌലാന മൌദൂദിയുടെ പരിഹാരമാര്‍ഗ്ഗം ഏറെവിചിത്രമാണ്‌.
സായുധ ജിഹാദിന്‍റെ വക്താവാണെങ്കിലും ജൂതന്‍മാര്‍ക്കെതിരെ നാമൊന്നും ചെയ്യേണ്ട എന്നാണ് മൌദൂദി പറയുന്നത്‌. മൂപ്പരുടേത്‌ പണ്ട്‌ അമേരിക്കന്‍ പ്രസിഡണ്ട്‌ റൊണാര്‍ഡ്‌ റീഗന്‍റെ പരിഗണനയിലുണ്ടായിരുന്ന 'സ്റ്റാര്‍ വാര്‍' പോലെയുള്ള ഒരു പ്രൊപ്പോസലാണ്‌. അടുത്ത്‌ തന്നെ ഈസാനബി ആകാശത്ത്‌ നിന്ന്‌ ഡമാസ്കസിലെ വെള്ള മിനാരത്തിനടുത്ത്‌ ഇറങ്ങി ദജ്ജാലിനെ വകവരുത്തിയതിന്‌ശേഷം യഹൂദികളെ മുഴുവന്‍ കൊന്നൊടുക്കും എന്ന്‌ പറഞ്ഞ്‌ മുസ്‌ലിംകളെ ആശ്വസിപ്പിക്കുകയാണ് മഹാനവര്‍കള്‍. ലോക മുസ്‌ലിംകളുടെ നീറുന്ന പ്രശ്നത്തിന്‌ മൌലാനയുടെ ആകാശീയമായ പരിഹാരം! ഇതില്‍പരം ഒരാനന്ദവും മനശ്ശാന്തിയും മുസ്‌ലിംകള്‍ക്ക്‌ മറ്റെന്തുണ്ട്‌? ഇനി മറ്റൊന്നും ചിന്തിക്കേണ്ട. എല്ലാം ഈസാനബി ശരിപ്പെടുത്തും എന്നു കരുതി ഒരിടത്തിരിക്കാമല്ലോ!
ആധുനിക ലോകത്തെ മുജദ്ദിദാണോ എന്ന്‌ ജമാഅത്തെഇസ്‌ലാമിക്കാര്‍ ഇടക്കിടക്ക്‌ ശങ്കിക്കുന്ന മൌലാനാ ഇത്‌ വെറുതെയങ്ങ്‌ പറഞ്ഞല്ല. 'ഖതമുന്നുബുവ്വത്ത്' എന്ന തന്‍റെ പ്രഖ്യാത കൃതിയില്‍ ഈസാനബി ഇറങ്ങുന്ന സ്ഥലവും ഇറങ്ങിയതിന്‌ ശേഷം ദജ്ജാലിനെ കൊല്ലാനായി 'ലുദ്ദി' ലേക്കുള്ള സൈനിക നീക്കങ്ങളുമെല്ലാം തോതും സ്കെയിലും രേഖപ്പെടുത്തിയിട്ടുള്ള ഒരു മാപ്പിന്‍റെ സഹായത്തോടെയാണ്‌ ആധുനിക വിജ്ഞാനീയങ്ങളില്‍ നിഷ്ണാതനായ മൌലാനാ രേഖപ്പെടുത്തിയിരിക്കുന്നത്‌.
 |
| ഈസാനബി ഇറങ്ങുന്ന ഡമാസ്കസ്‌ നഗരവും അവിടെ നിന്ന്‌ ദജ്ജാലിനെ കൊല്ലാനുള്ള ലുദ്ദിലേക്കുള്ള അദ്ദേഹത്തിന്‍റെ പ്രയാണവും 'ഖതമുന്നുബുവ്വത്തി'ലെ മാപ്പില്‍ രേഖപ്പെടുത്തിയിരിക്കുന്നു. |
ജൂതന്‍മാര്‍ക്കെതിരെ മറ്റുപാധികളെക്കുറിച്ചൊന്നും ചിന്തിച്ച്‌ മുസ്ലിം ലോകം ബേജാറാകണ്ട. ഖതമുന്നുബുവ്വത്തില്‍ മൌദൂ ദിസാഹിബ്‌ എഴുതുന്നത് നോക്കുക:
"ഈ ദുര്‍ബ്ബല നിമിഷത്തിലാണ് ഡമാസ്കസ്സിന്‍റെ പൂര്‍വ്വഭാഗത്ത്‌ സ്ഥിതിചെയ്യുന്ന വെണ്‍മുനാരത്തിനടുത്ത്‌ (ഈ വെണ്‍മുനാരം ഇപ്പോഴും അവിടെ സ്ഥിതി ചെയ്യുന്നുണ്ട്‌) ഈസാ (അ) പ്രഭാത വേളയില് ഇറങ്ങി വരിക. പ്രഭാത നമസ്കാരാനന്തരം ദജ്ജാലിനെ നേരിടുവാനായി മുസ്‌ലിംകളെ അദ്ദേഹം നയിക്കും മുസല്‍മാന്‍മാരുടെ ആക്രമണത്തിന്‍റെ ശക്തിയാല്‍ ദജ്ജാല്‍ പരാജയപ്പെട്ടു അഫീഖി (FIQ)ലെ ഗിരിവര്‍ഗ്ഗമാര്‍ഗ്ഗ ത്തിലൂടെ അവര്‍ ഇസ്രാഈലിലേക്ക്‌മടങ്ങും. ഈസാ(അ) അവനെ പിന്തു ടരും അവസാനം 'ലുദ്ദി' (Lydda) ലെ വിമാനത്താവളത്തിലെത്തുമ്പോള്‍ അവനെ അദ്ദേഹം സ്വകരത്താല് വെട്ടിക്കൊല്ലും. അതിനുശേഷം യഹൂദികളെ ഓരോരുത്തരെയായി തിരഞ്ഞുപിടിച്ചു കൊലചെയ്യും. അങ്ങനെ യഹൂദി സമുദായത്തെ അവസാനിപ്പിക്കും. ഹ: ഈസയുടെ ഭാഗത്ത്‌ നിന്ന്‌ യാഥാര്‍ത്ഥ്യം പ്രത്യക്ഷെപ്പെടുന്നതോടെ ക്രിസ്ത്യാനിസം അവസാനിച്ചുപോവും. എല്ലാ സമുദായങ്ങളും ഏക മുസ്ലിം സമുദായത്തില്‍ ലയിക്കും" (ഖതമുന്നുവ്വത്ത്‌ പേ. 10, IPH, IVth Edition)
ബലേഭേഷ്‌!! ഈസാനബി ഇറങ്ങി ദജ്ജാലിനെ വെട്ടിക്കൊന്ന് (ആ പാവത്തിന് വാളുപയോഗിക്കാനല്ലേ അറിയൂ. രണ്ടായിരം കൊല്ലം മുമ്പ് ഏ.കെ. 47 ഒന്നുമില്ലല്ലോ) യഹൂദികളെ മുഴുവന്‍ കൊന്നൊടുക്കി ക്രിസ്ത്യാനിസവും അവസാനിപ്പിച്ചു. പിന്നെ ആഗോള ഹുക്കൂമത്തെ ഇലാഹിയുടെ വസന്തകാലം!.... ആര്‍നോള്‍ഡ് ഷ്വാസ്നിഗറിന്‍റെയോ വാന്‍ഡാമിന്‍റെയോ ഹോളിവുഡ്ഡ് സിനിമയിലെ ആക്‌ഷന്‍ രംഗങ്ങള്‍ പോലെ ഭൂമിയില്‍ മിന്നിമറിയുന്ന സംഭവ പരമ്പരകളിലൂടെ ഇസ്‌ലാമിന്‍റെ ആഗോളവിജയം ഭാവനാ സമ്പന്നനായ മൌലാന സാഹിബ് സ്വപ്നം കാണുന്നു. ഹുക്കൂമത്തെ ഇലാഹി സ്വപ്നം കണ്ടുകൊണ്ടുള്ള അദ്ദേഹത്തിന്‍റെ ഈ ഉന്മാദ ജല്‍പനങ്ങള്‍ മുസ്‌ലിംകളെ ദിവാസ്വപ്നക്കാരും അന്ധവിശ്വാസികളുമാക്കി മാറ്റാനേ ഉതകൂ. അവരുടെ കര്‍മ്മോത്സുകതയെയും യാഥാര്‍ത്ഥ്യബോധത്തെയും ഈ വ്യാമോഹങ്ങള്‍ നശിപ്പിക്കും. വ്യാഖ്യേയങ്ങളായ പ്രതീകങ്ങളും പ്രവചനങ്ങളും ഉള്‍ക്കൊള്ളുന്ന റസൂല്‍ തിരുമേനി (സ)യുടെ ഹദീസുകള്‍ക്ക്‌ ബാഹ്യമായ അര്‍ത്ഥങ്ങളും നിരര്‍ത്ഥകമായ വ്യാഖ്യാനങ്ങളും നല്‍കി നിഷ്ക്കളങ്കരായ മുസ്ലിം സമുദായത്തെ മിഥ്യാ മോഹങ്ങള്‍ക്കടിമപ്പെടുത്തുകയാണ്‌ മൗലാനാ.
വായിക്കുക:
1. ഈസാനബിയുടെ ആകാശവാസം
2. ദജ്ജാല്‍
1 comment:
ആര്‍നോള്‍ഡ് ഷ്വാസ്നിഗറിന്‍റെയോ വാന്‍ഡാമിന്‍റെയോ ഹോളിവുഡ്ഡ് സിനിമയിലെ ആക്‌ഷന്‍ രംഗങ്ങള്‍ പോലെ ഭൂമിയില്‍ മിന്നിമറിയുന്ന സംഭവ പരമ്പരകളിലൂടെ ഇസ്‌ലാമിന്‍റെ ആഗോളവിജയം ഭാവനാ സമ്പന്നനായ മൌലാന സാഹിബ് സ്വപ്നം കാണുന്നു. ഹുക്കൂമത്തെ ഇലാഹി സ്വപ്നം കണ്ടുകൊണ്ടുള്ള അദ്ദേഹത്തിന്‍റെ ഈ ഉന്മാദ ജല്‍പനങ്ങള്‍ മുസ്‌ലിംകളെ ദിവാസ്വപ്നക്കാരും അന്ധവിശ്വാസികളുമാക്കി മാറ്റാനേ ഉതകൂ.
Post a Comment